fim 13. júní 2019 20:53
Guðmundur Aðalsteinn Ásgeirsson
HM kvenna: Kína rétt marði Suður-Afríku
Ying Li skoraði sigurmark Kína.
Ying Li skoraði sigurmark Kína.
Mynd: Getty Images
Suður-Afríka 0 - 1 Kína
0-1 Ying Li ('40 )

Kína er komið með fyrstu þrjú stig sín á Heimsmeistaramótinu í Frakklandi. Kína lagði Suður-Afríku að velli í kvöld.

Kína byrjaði vel og var meira með boltann í fyrri hálfleiknum. Þær náðu hins vegar ekki að valda miklum usla fyrr en fimm mínútur voru eftir af fyrri hálfleiknum. Þá skoraði Ying Li með fyrsta skoti Kína á rammann.

Ekki urðu mörkin fleiri í seinni hálfleiknum og lokatölur 1-0 fyrir Kína sem er í 16. sæti á heimslista FIFA. Suður-Afríka er að spila á sínu fyrsta Heimsmeistaramóti.

Kína er með þrjú stig á meðan Suður-Afríka er án stiga. Í þessum riðli eru einnig Þýskaland og Spánn. Þýskaland er með sex stig og Spánn þrjú stig. Kína og Spánn mætast í lokaumferð riðilsins.


Athugasemdir
banner
banner