Þróttur gerði góða ferð suður með sjó og sótti sigur í greipar Keflavíkur í leik liðanna i kvöld. Keflavík leiddi í hálfleik með marki Adams Ægis Pálssonar en Þróttarar mættu grimmir til leiks í seinni hálfleik og höfðu að lokum 1-3 sigur.
Lestu um leikinn: Keflavík 1 - 3 Þróttur R.
„Annar leikurinn í röð sem við komum út í seinni hálfleik og sýnum okkar allra besta," sagði Þórhallur Siggeirsson, þjálfari Þróttar, um leik sinna manna í síðari hálfleik.
Eftir brösuga byrjun hefur Þróttur komist á flug í síðustu leikjum og stefna væntanlega bara hærra.
„Já við erum bara að móta liðið hægt og rólega og við höfum rætt það inní klefa að við munum alltaf verða betri þegar líður á tímabilið og við stefnum alveg klárlega á það.“
Taflan í efri hluta deildarinnar er þétt en aðeins 3 stig skilja að liðið í 1.sæti og 6.sæti eftir leiki kvöldsins deildinn verður væntanlega spennandi fram á haust.
„Já en hugarfar okkar gagnvart öllum leikjum er það sama, það skiptir engu máli hvort þú sért að mæta liði sem er ofarlega eða neðarlega þetta eru bara allt hnífjafnir leikir.“
Sagði Þórhallur Siggeirsson þjálfari Þróttar en allt viðtalið má sjá hér að ofan.
Athugasemdir