Aston Villa hefur komist að samkomulagi við belgíska félagið Club Brugge um kaup á brasilíska sóknarmanninum Wesley. Þetta segir í tilkynningu frá félaginu.
Hann á eftir að fá atvinnuleyfi svo hægt sé að ganga frá félagaskiptunum.
Hann á eftir að fá atvinnuleyfi svo hægt sé að ganga frá félagaskiptunum.
Talið er að kaupverðið sé 22 milljónir punda en það mun gera hann að dýrasta leikmanni í sögu félagsins.
Wesley er 22 ára og hefur verið hjá Club Brugge síðastliðnar fjórar leiktíðir þar sem hann hefur hjálpað liðinu að vinna belgísku úrvalsdeildina tvisvar. Hann skoraði 17 mörk á síðasta tímabili.
Aston Villa mun leika á nýjan leik í ensku úrvalsdeildinni á næsta tímabili.
Birkir Bjarnason er á mála hjá Aston Villa, en það er spurning hvort hann verði þar áfram. Hann spilaði lítið á síðustu leiktíð.
Athugasemdir
