FIFA staðfesti í dag að HM í Katar árið 2022 byrjar 21. nóvember og lýkur 18. desember.
Áður hafði verið greint frá því að mótið myndi fara fram að vetri til þar sem hitastigið í Katar getur farið yfir 40 gráður á sumrin.
Í dag voru leikdagar staðfestir en úrslitaleikurinn sjálfur fer fram innan við viku fyrir aðfangadag.
Þetta þýðir að stærstu deildir Evrópu fara í langt frí á miðju tímabili á meðan HM fer fram.
HM 2022 verður síðasta mótið með 32 liðum en á HM 2026 verða þátttökuþjóðirnar 48 talsins.
Athugasemdir