Yvan Erichot, varnarmaður ÍBV, fékk slæmt höfuðhögg snemma leiks gegn Sarpsborg í gær. Tíu mínútna hlé var gert á leiknum á meðan hugað var að meiðslum Yvan.
Yvan var síðan borinn af velli en Sigurður Arnar Magnússon tók stöðu hans síðan í vörninni.
„Hann fékk heilahristing og er með verki í andlitinu," sagði Kristján Guðmundsson, þjálfari ÍBV, við Fótbolta.net í dag aðspurður út í meiðslin hjá Yvan.
„Hann kom heim til sín í gærkvöldi en fer núna í þetta höfuðáverka ferli."
Ljóst er að Yvan missir af síðari leiknum gegn Sarpsborg í Noregi í næstu viku en ekki er ljóst hvenær hann verður klár í slaginn á ný.
ÍBV tapaði leiknum í gær 4-0 og á brattann er að sækja fyrir síðari leikinn í Noregi.
Athugasemdir