Lestu um leikinn: ÍBV 1 -  2 FH

FH vann annan sigurinn í röð í deildinni og er nú með 19 stig en Steven Lennon gerði bæði mörkin.

Ólafur vonar að FH-liðið sé komið í gang núna og að það geti tengt þriðja sigurinn í næsta leik.

„Þrjú góð stig og góður sigur. Það var þvælið að opna leikinn en það tókst og komnir yfir þá fannst mér við hafa góð tök á leiknum eða fram að því," sagði Ólafur við Fótbolta.net.

„Þegar við komumst í 2-0 var lítil hætta og gáfum ekki mörg færi á okkur og náðum stjórn á leiknum. Það er hægt að sjá í síðasta leik á móti KR það er þannig að ÍBV liðið gefst aldrei upp þannig við gátum átt von á áhlaupi og þeir tóku sénsa."

„Við erum búnir að vera að rembast við það í allt sumar og ég var mjög ánægður með sigurinn í síðasta leik og þennan sigur. Nú er verkefnin að undirbúa sig þannig að við náum í þriðja sigurinn í næsta leik."

Jákub Thomsen fór meiddur af velli eftir að hafa nælt í vítaspyrnu í fyrri hálfleiknum en Ólafur telur að þetta sé væg tognun á liðbandi.

„Það er tognun mögulega á liðbandi er fyrsta melding sem ég fæ og vonandi ekki neitt verra. Það kemur í ljós eftir helgi þegar það verður hægt að skoða þetta."

Hann vildi þá lítið gefa upp hvort FH ætlaði sér að styrkja liðið eitthvað frekar fyrir átökin í síðari hluta mótsins.

„Ég hef alveg haft fókus á þennan leik og undirbúning fyrir hann en ekkert sem ég get sagt frá akkúrat núna," sagði hann í lokin.