„ Ég er ánægður með leikmannahópinn í dag. Við lentum í höggi í síðasta leik. Við töpum illa á heimavelli og það var mikilvægt að koma sterkt til baka," sagði Ásmundur Arnarsson þjálfari Fjölnis eftir 1-1 jafntefli á móti KA á Greifavellinum í dag.

Lestu um leikinn: KA 1 -  1 Fjölnir

„ Menn þéttuðu sig saman, það var góð liðsheild hér í dag og mikill barátta, vinnusemi og það var það sem þurfti til að koma til baka úr því sem gekk á í síðasta leik. Ég er ánægður með svar leikmanna í dag. Við höfum góð tök á leiknum í fyrri hálfleik. Svo kom seinni hálfleikurinn og það var eiginlega bara loftbardagi allan tímann."

Fjölnir fékk mark á sig þegar 54 sekúndur voru búnar af leiknum en komu til baka.

„ Við vildum taka þau þrjú stig sem voru í boði en því miður var leikurinn varla byrjaður þegar við erum búnir að gefa þeim forgjöf. Það var ekki kominn 1 mínúta á klukkuna. Það er helvítis brekka að vera kominn hingað og gefa þeim eitt mark í forskot. Á þeim tímapunkti getur maður sagt að maður sé þokkalega sáttur við jafntefli. Fyrirfram vildum við taka öll stigin."

Fjölnir er með tvö stig eftir 6 leiki og eru í botnsætinu.

„ Við erum nýliðar og okkur er spá botnsætinu á mörgum stöðum þannig það er ekkert sem kemur á óvart. Við höfðum áhyggjur fyrir mót og munum örugglega hafa áhyggjur í allt sumar en þetta er verkefni. Ég tel okkur vera með nógu góðan hóp til að halda liðinu uppi og það er markmiðið."

Viðtalið má sjá í heild sinni hér að ofan.

STUÐNINGSSVEIT
FÓTBOLTA.NET

Okkur er full alvara!

Umfjöllun síðustu daga hefur Fótbolti.net sýnt að við ætlum að bæta í umfjöllun um fótbolta.

Okkur er full alvara með það!

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit