Tveimur fyrstu leikjum dagsins er lokið í 2. deildinni þar sem topplið Njarðvíkur er komið aftur á sigurbraut eftir tvo tapleiki í röð.
Sigur Njarðvíkur gegn KFA gekk snurðulaust þar sem Arnar Helgi Magnússon og Bergþór Ingi Smárason komu heimamönnum í tveggja marka forystu fyrir leikhlé.
Marc McAusland gerði þriðja mark Njarðvíkinga áður en gestirnir minnkuðu muninn. Njarðvík er með fimm stiga forystu á Þrótt R. í toppbaráttunni á meðan KFA siglir nokkuð lygnan sjó í neðri hlutanum, átta stigum frá fallsvæðinu þegar sex umferðir eru eftir.
Reynir Sandgerði er þá í vandræðum eftir stórt tap gegn sameinuðu liði Hattar og Hugins. Sandgerðingar voru vongóðir fyrir leikinn eftir frækinn sigur á toppliði Njarðvíkur í síðustu umferð, en svo fór ekki.
Heimamenn rúlluðu gjörsamlega yfir Reynismenn og enduðu á að vinna leikinn með fimm marka mun.
Reynir er í fallsæti, átta stigum eftir Hetti/Hugin og KFA.
ÍR og Víkingur Ólafsvík mætast í lokaleik dagsins.
Höttur/Huginn 5 - 0 Reynir S.
1-0 Stefán Ómar Magnússon ('35 )
2-0 Matheus Bettio Gotler ('43 )
3-0 Rafael Alexandre Romao Victor ('67 )
4-0 Eiður Orri Ragnarsson ('70 )
5-0 Hjörvar Sigurgeirsson ('86 )
Njarðvík 3 - 1 KFA
1-0 Arnar Helgi Magnússon ('32 )
2-0 Bergþór Ingi Smárason ('42 )
3-0 Marc McAusland ('59 )
3-1 Marteinn Már Sverrisson ('76 )
Rautt spjald: Magnús Þórir Matthíasson , Njarðvík ('53)
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 0 | 0 | 0 | 0 | 0 | 0 | 0 | 0 | 0 | |
