Ítalía: Tók Lukaku 90 sekúndur að skora gegn nýliðunum

Mynd: Getty Images

Það tók Romelu Lukaku ekki nema 90 sekúndur að skora sitt fyrsta mark fyrir Inter á nýju tímabili. Hann og Timo Werner skoruðu því báðir í dag eftir misheppnaða dvöl hjá Chelsea.

Lukaku skoraði eftir fyrirgjöf frá Matteo Darmian og hélt Inter forystunni gegn nýliðum Lecce allt þar til í upphafi seinni hállfeiks þegar Assan Ceesay jafnaði eftir góðan undirbúning frá Federico Di Francesco.

Inter sótti án afláts en tókst ekki að skora fyrr en á lokasekúndu leiksins. Denzel Dumfries kom boltanum þá í netið í kjölfar hornspyrnu.

Þrjú stig í hús fyrir Inter og litu nýliðar Lecce afar vel út varnarlega séð þar sem þeir héldu gestunum í skefjum lengi vel.

Lecce 1 - 2 Inter
0-1 Romelu Lukaku ('2)
1-1 Assan Ceesay ('48)
1-2 Denzel Dumfries ('95)

Aðrir nýliðar áttu heimaleik í kvöld þar sem Monza tók á móti Torino. Monza er búið að kaupa heilan leikmannahóp af nýjum leikmönnum í sumar og tefldi fram byrjunarliði þar sem fæstir leikmenn höfðu nokkurn tímann spilað fótbolta saman nema bara í nokkrar vikur á undirbúningstímabilinu.

Monza átti góðan leik þrátt fyrir að vera með nýjan hóp en færanýtingin var ekki upp á marga fiska.

Aleksey Miranchuk, nýr leikmaður Torino, kom gestunum yfir undir lok fyrri hálfleiks eftir stoðsendingu frá Antonio Sanabria sem tvöfaldaði svo forystuna í síðari hálfleik.

Monza reyndi að koma til baka en náði ekki að minnka muninn fyrr en í blálokin þegar Dany Mota skoraði með síðustu spyrnu leiksins.

Monza 1 - 2 Torino
0-1 Aleksey Miranchuk ('43)
0-2 Antonio Sanabria ('66)
1-2 Dany Mota ('95)

Serie A - karlar

#	Lið	L	mun	Stig
1	Inter	6	+10	16
2	Lazio	6	+7	16
3	Roma	6	+11	14
4	Cagliari	6	+3	13
5	Milan	6	+6	12
6	Juventus	6	+4	11
7	Como	6	+3	11
8	Napoli	6	+4	10
9	Frosinone	6	+2	10
10	Sassuolo	6	0	8
11	Atalanta	5	-2	6
12	Lecce	6	-6	6
13	Bologna	6	-2	5
14	Udinese	5	-3	4
15	Torino	5	-3	4
16	Monza	6	-6	4
17	Genoa	6	-6	4
18	Parma	6	-6	4
19	Fiorentina	6	-7	4
20	Venezia	5	-9	0