Vestri 0 - 1 Fylkir
0-1 Mathias Laursen ('55)
Eini leikur dagsins í Lengjudeild karla var viðureign Vestra og Fylkis á Ísafirði.
Lestu nánar um leikinn hérna.
Leiknum lauk með 0-1 sigri Fylkis en liðið er í öðru sæti deildarinnar, níu stigum fyrir ofan Fjölni sem er í því þriðja.
Mathias Laursen gerði eina markið í dag á 55. mínútu eftir sendingu frá Birki Eyþórssyni.
„Fylkir komnir yfir! Hornið fer yfir á hinn kantinn þar sem Birkir er fyrstur í boltann, á hárnákvæma fyrirgjöf sem Mathias skallar óverjandi í bláhornið í fjær," skrifaði Jón Ólafur Eiríksson í beinni textalýsingunni.
Fátt ætlar því að koma í veg fyrir að HK og Fylkir fari upp í efstu deild að nýju en Vestramenn sigla lignan sjó um miðja deild eða í 7. sætinu.
Athugasemdir
