mið 13. september 2017 06:00
Þórarinn Jónas Ásgeirsson
Verratti og Thiago Silva hrósar rándýrri sóknarlínu PSG
Kylian Mbappe fagnar marki sínu í gær
Kylian Mbappe fagnar marki sínu í gær
Mynd: Getty Images
Marco Verratti, miðjumaður Paris Saint-Germain, hrósaði sóknarlínu liðsins, þeim Neymar, Kylian Mbappe og Edinson Cavani, í hásterkt eftir 5-0 sigur liðsins á Celtic.

Cavani skoraði tvö mörk og þeir Neymar og Mbappe gerðu sitt markið hvor. Allir þrír hafa byrjað tímabilið af krafti með Parísarliðinu og virðist vera fátt sem geti stöðvað þá, sérstaklega heima fyrir.

„Þeir eru allir frábærir leikmenn. Við erum heppnir að hafa þá hér. Þeir geta ákvarðað úrslit leiks hvenær sem," sagði Verratti eftir leikinn í gær.

Cavani er strax kominn með níu mörk í öllum keppnum á leiktíðinni, þar af sjö í deildinni. Neymar er kominn með fjögur og Mbappe skoraði sitt annað mark í gær.

„Þeir leikmenn sem hafa komið til liðsins hafa aðlagast strax, Dani Alves kemur með reynslu, Neymar líka. Við erum sáttir með kvöldið en vinnan heldur áfram. Þetta eru ekki skilaboð til annarra heldur fyrir okkur sjálfa," sagði Thiago Silva, fyrirliði liðsins.
Athugasemdir
banner
banner
banner