Enski landsliðsmaðurinn virðist hafa verið á óskalista hjá Manchester United í sumar en skrifaði undir nýjan fimm ára samning við Leicester síðasta sunnudag.

Maguire segir að hann hafi ákveðið að virða ákvörðun sem eigendur Leicester tóku um að halda honum en svo virðist sem United muni áfram vera á höttunum eftir þjónustu kappans.

Puel segist sjálfur ekki hafa hugmynd um það hvort að einhver klásúla sé í samningi leikmannsins.

„Ég veit ekki hvernig samningurinn er nákvæmlega. Ég get bara sagt að ég hef góða tilfinningu fyrir allan klúbbinn og fyrir stuðningsmennina. Samingurinn sýnir metnaðinn hjá félaginu, eigendunum og fyrir stuðningsmennina er þetta gott upp á framtíðina,” sagði Puel.

„Við héldum okkar besta leikmanni og þetta er góður hlutur því nú getum við haldið áfram að bæta okkur. Harry veit um hæfileika sína og mikilvægi fyrir félagið.”