Freyr Alexandersson lét af störfum sem landsliðsþjálfari kvenna í síðustu viku eftir fimm ár í starfi. Hér að neðan má sjá nokkur nöfn hjá þjálfurum sem geta komið til greina í starfið. Listinn er í stafrófsröð.
Sjá einnig:
Guðni um nýjan kvennalandsliðsþjálfara: Á von á að þetta verði Íslendingur
Sjá einnig:
Guðni um nýjan kvennalandsliðsþjálfara: Á von á að þetta verði Íslendingur
Ásmundur Haraldsson - Hefur verið aðstoðarmaður Freys með kvennalandsliðið undanfarin fimm ár. Starfar einnig sem aðstoðarþjálfari FH í Pepsi-deild karla.
Davíð Snorri Jónasson - Var í þjálfarateymi íslenska kvennalandsliðsins á EM í fyrra. Er í dag þjálfari U17 ára landsliðs karla.
Elísabet Gunnarsdóttir - Hefur þjálfað Kristianstad í sænsku úrvalsdeildinni síðan árið 2009 með fínum árangri.
Gunnar Borgþórsson - Hefur áður þjálfað kvennalið Selfoss og Vals.
Halldór Jón Sigurðsson - Gerði Þór/KA að Íslandsmeisturum í fyrra. Lýsti á dögunum yfir áhuga á því að taka við kvennalandsliðinu.
Kristján Guðmundsson - Óvíst hvort hann haldi áfram með karlalið ÍBV. Hefur getið sér gott orð fyrir að leggja upp einstaka leiki.
Óli Stefán Flóventsson - Er að hætta með lið Grindavíkur og verður án starfs eftir nokkrar vikur.
Sigurður Ragnar Eyjólfsson - Þjálfaði kvennalandsliðið á undan Frey í sex ár og fór tvisvar á stórmót. Var rekinn úr starfi sem landsliðsþjálfari kvenna hjá Kína fyrr á árinu.
Þorsteinn Halldórsson - Stýrði Breiðabliki til sigurs í Mjólkurbikarnum á dögunum og er á góðri leið með að gera liðið að Íslandsmeisturum.
Þorlákur Árnason - Stýrði kvennaliði Stjörnunnar með góðum árangri á árum áður. Er í dag í starfi hjá KSÍ við hæfileikamótun ungra leikmanna.
Athugasemdir
