Miðjumaðurinn Sean Longstaff verður ekki með Newcastle þegar liðið heimsækir Liverpool í ensku úrvalsdeildinni klukkan 11:30 á morgun.
Longstaff meiddist á ökkla á æfingu í gær og verður frá keppni í einhvern tíma.
„Hann reyndi að stöðva fyrirgjöf ög ökklinn hans lenti fyrir boltanum. Þetta er ein af þessum ótrúlegu meiðslum," sagði Steve Bruce stjóri Newcastle.
„Við komum af æfingu og allir voru svekktir. VIð misstum leikmann í ótrúlegu slysi en svona gerist í fótbolta."
Andy Carroll verður heldur ekki með gegn sínum gömlu félögum í Liverpool á morgun en hann er ennþá að jafna sig eftir aðgerð á ökkla.
Athugasemdir