„Mér líður bara mjög vel með þetta, við spiluðum fínan leik í dag og mér fannst við vera með yfirhöndina nánast allan leikinn. Vel gert hjá okkur," sagði Ólafur Jóhannesson, þjálfari FH, eftir öruggan útisigur gegn Stjörnunni.
Lestu um leikinn: Stjarnan 0 - 4 FH
Baldur Logi Guðlaugsson skoraði fyrsta mark leiksins með frábærri aukaspyrnu. „Geggjað mark alveg, geggjað mark."
í stöðunni 0-1 fékk Eggert Aron Guðmundsson, leikmaður FH, rautt spjald. Atvikið gerðist ekki langt frá varamannabekk FH.
„Ég er 100% viss um að þetta var rétt ákvörðun hjá dómaranum. Hann eiginlega hendir sér á eftir honum, fer með sólann í kálfann á honum. Mér sýndist það vera þannig þannig ég held að það hafi verið hárrétt hjá dómaranum."
í kjölfarið kom athyglisverður kafli á viðtalinu þar sem Ólafur var snöggur í svörum, það má sjá í spilaranum að ofan. Að lokum var Ólafur spurður út í framhaldið. Ertu búinn að ákveða eitthvað með framhaldið?
„Já, ég er búinn að ákveða það. Ég mæti á æfingu á miðvikudaginn og svo er leikur á sunnudaginn. Það er framhaldið hjá mér."
En eftir tímabilið?
„Það kemur í ljós hvað ég geri þá," sagði Óli að lokum.
Athugasemdir