Fótboltadómarinn Tómas Meyer mun snúa aftur í dómgæsluna um næstu helgi en hann var fluttur á sjúkrahús snemma í ágúst eftir að hafa rotast í leik. Við læknisskoðun kom svo í ljós að hann væri með lífshættulegan blóðþrýsting.
Sjá einnig:
Dómarinn Tómas Meyer rotaðist í leik en það bjargaði lífi hans
Sjá einnig:
Dómarinn Tómas Meyer rotaðist í leik en það bjargaði lífi hans
„Þetta hefði geta farið svo illa. Þau á spítalanum kölluðu þetta 'slow death' (hægfara dauða). Þarna fékk ég gott gult spjald sem ég tek fagnandi. Þetta högg sá til þess að ég er kominn á kreik og það er verið að laga mig," sagði Tómas í viðtali við útvarpsþátt Fótbolta.net í síðasta mánuði.
Bataferlið hefur gengið vel og hann mun dæma leik Elliða og KFG í 3. deildinni næsta laugardag.
„Tilfinningin að snúa aftur til leiks er góð og það er mikil tilhlökkun. Þetta bataferli hefur gengið vel og mér líður frábærlega," sagði Tómas Meyer við Fótbolta.net í dag.
Athugasemdir