Anna María Baldursdótir, leikmaður Stjörnunnar, hefur gert nýjan samning við félagið til þriggja ára.
Anna María hefur leikið 160 leiki með Stjörnunni, þann fyrsta árið 2010, og skorað í þeim tvö mörk.
Anna María á að baki 9 A-landsleiki og 29 leiki með yngri landsliðum Íslands.
Hún er varnarmaður sem spilaði alla leiki Stjörnunnar í deild og bikar í sumar, 18 í Pepsi-deildinni og 4 í Mjólkurbikarnum. Hún skoraði eitt mark í sumar.
Anna María er 24 ára gömul.
Kristján Guðmundsson þjálfar lið Stjörnunnar næstu tvö árin með Ólaf Brynjólfsson sér til aðstoðar en Kristján tók við af Ólafi Guðbjörnssyni sem hætti í haust eftir margra ára starf.
Athugasemdir