Svava Rós Guðmundsdóttir hefur verið sjóðandi heit frá komu sinni til norska úrvalsdeildarfélagsins Roa.

Hún hefur verið að skora í nánast hverjum leik og var engin undantekning á því í undanúrslitaleik norska bikarsins í dag.

Svava Rós kom Roa í tveggja marka forystu gegn Lilleström og var staðan orðin 3-0 í upphafi síðari hálfleiks.

Gestirnir voru þó ekki á því að gefast upp og tókst að framkvæma magnaða endurkomu.

Leiknum lauk með 3-3 jafntefli og var markalaust í framlengingunni svo grípa þurfti til vítaspyrnukeppnar. Lilleström vann þar og mætir annað hvort Klepp eða Sandviken í úrslitum. Sigríður Lára Garðarsdóttir er á mála hjá Lilleström en hún var allan tímann á bekklnum í þessum leik.