Gareth Southgate, þjálfari enska landsliðsins, var ekki ósáttur við spilamennsku sinna manna í 0-0 jafnteflinu gegn Króatíu í kvöld.
Liðin mættust í Þjóðadeildinni en báðar þessar þjóðir komust langt á HM í sumar. England fór alla leið í undanúrslit en töpuðu einmitt fyrir Króötum.
Leikurinn var afar slakur og þá klikkuðu Englendingar á tveimur dauðafærum.
„Ég væri áhyggjufullur ef við værum ekki að skapa okkur færi og mér fannst við hugmyndaríkir. Við verðum að halda áfram að komar okkur í þessa stöðu," sagði Southgate.
„Við vildum auðvitað líka vera í þriggja manna vörn en okkur fannst að þetta kerfi myndi henta okkur betur. Leikmennirnir gerðu vel, þetta þýddi það að við gátum verið nær miðjumönnunum þeirra og komast hátt upp á völlinn," sagði hann í lokin.
Athugasemdir