banner
   lau 13. október 2018 15:02
Ívan Guðjón Baldursson
Þjóðadeildin: Schick gerði sigurmarkið í Slóvakíu
Patrik Schick skoraði fjórða mark sitt fyrir Tékkland í sínum ellefta landsleik.
Patrik Schick skoraði fjórða mark sitt fyrir Tékkland í sínum ellefta landsleik.
Mynd: Getty Images
Slóvakía 1 - 2 Tékkland
0-1 Michael Krmencik ('52)
1-1 Marek Hamsik ('62)
1-2 Patrik Schick ('76)

Tékkar voru að leggja nágranna sína frá Slóvakíu að velli í B-deild Þjóðadeildarinnar.

Slóvakar voru betri aðilinn í leiknum en gestirnir frá Tékklandi komust yfir í upphafi síðari hálfleiks þegar Michael Krmencik slapp innfyrir vörnina og skoraði.

Marek Hamsik jafnaði tíu mínútum síðar með marki eftir hornspyrnu en Patrik Schick, sem hafði komið inn af bekknum þremur mínútum fyrr, átti lokaorðið þegar hann stangaði fyrirgjöf frá Borek Dockal í netið.

Slóvakar eru neðstir og án stiga eftir tvær umferðir. Tékkar eru með þrjú stig á meðan Úkraína er á toppnum með sex stig.
Athugasemdir
banner
banner
banner