Mohamed Salah
Egypski sóknarmaðurinn Mohamed Salah skrifaði sig í sögubækurnar í gær er hann skoraði þrennu í 7-1 sigri Liverpool á Rangers í Meistaradeildinni.
Salah byrjaði á tréverkinu hjá Liverpool en kom inná þegar hálftími var eftir.
Sóknarmaðurinn hefur átt erfiða byrjun á tímabilinu en virðist kominn á flug eftir frammistöðuna í gær.
Þessi þrjú mörk þýða það að enginn hefur skorað fleiri mörk fyrir enskt úrvalsdeildarfélag í Meistaradeildinni en Salah. Didier Drogba og Sergio Aguero áttu metið, eða 36 mörk fyrir Chelsea og Manchester City.
Salah var með 35 mörk fyrir leikinn í gær en hann er nú búinn að bæta það og er með 38 mörk fyrir Liverpool. Í heildina er hann með 41 mark, ef Basel og Roma eru tekin með inn í dæmið.
