Írland og Norður-Írland leiða saman hesta sína í vináttuleik í Dublin á fimmtudaginn.
Jonny Evans, varnarmaður Leicester og Norður-Íra, er spenntur fyrir leiknum en hann þekkir marga leikmenn í írska liðinu.
Evans tók leigubíl á flugvöllinn í Manchester fyrir flugið til Írlands og með honum í för var Robbie Brady, leikmaður Burnley og írska landsliðsins. Þeir mætast í leiknum á fimmtudag.
„Ég hef spilað með mörgum Írum í gegnum tíðina og hef þekkt þá lengi," sagði Evans.
„Ég fór í leigubíl á flugvöllinn í Manchester með Robbie Brady. Við tókum hann upp í á leiðinni og létum hann borga," sagði Evans léttur.
Athugasemdir