Segist vera saklaus.
Daniel Sturridge, framherji Liverpool, segist saklaus af því að hafa lekið upplýsingum um félagaskipti sín til WBA í janúar síðastliðnum.
Sturridge var í gær ákærður af enska knattspyrnusambandinu fyrir að brjóta veðmálareglur. Enskir fjölmiðlar segja að Sturridge hafi sagt vini sínum að veðja á að hann myndi fara til WBA á láni.
Sturridge var í gær ákærður af enska knattspyrnusambandinu fyrir að brjóta veðmálareglur. Enskir fjölmiðlar segja að Sturridge hafi sagt vini sínum að veðja á að hann myndi fara til WBA á láni.
Sturridge var bæði orðaður við Inter og Newcastle í janúar en hann endaði óvænt hjá WBA.
Enskir veðbankar voru með stuðulinn 66 á að Sturridge myndi fara til WBA en mörg há veðmál bárust síðan á þau félagaskipti.
Sturridge fær frest til 20. nóvember til að svara ákærunni en The Mirror segir að framherjinn hafi lýst yfir sakleysi sínu í málinu.
Enska knattspyrnusambandið lítur það hins vegar alvarlegum augum og ef Sturridge reynist sekur á hann bann fyrir höndum.
Athugasemdir
