Æft fyrir sviðsmynd morgundagsins

Það styttist í að Ísland muni æfa á Türk Telekom leikvangnum, á vellinum þar sem leikið verður gegn Tyrklandi á morgun.

Leikurinn á morgun verður 20:00 að staðartíma, 17:00 að íslenskum tíma.

Íslenskir fjölmiðlamenn skoðuðu þetta magnaða mannvirki, sem er heimavöllur Galatasaray, nú áðan en þá voru í gangi æfingar fyrir sviðsmynd morgundagsins.

Það má búast við stemningu á stuði á vellinum á morgun en hann rúmar um 52 þúsund manns. Eins og mikið hefur verið fjallað um þá er hann háværasti leikvangur heims samkvæmt heimsmetabók Guinness.