Íslenska karlalandsliðið í handbolta vann sinn fyrsta leik á heimsmeistaramótinu er liðið mætti Barein í München.
Ísland gjörsamlega rúllaði yfir Barein. Strákarnir okkar voru sex mörkum yfir í hálfleik og juku forystuna til muna eftir leikhlé. Leiknum lauk með stórsigri, 36-18.
Alfreð Finnbogason var fenginn til að veita besta manni leiksins verðlaun að leikslokum og mátti litlu muna að sá maður yrði Arnór Þór Gunnarsson, eldri bróðir Arons Einars landsliðsfyrirliða í fótbolta. Arnór var markahæsti maður leiksins með átta mörk.
Það var þó Björgvin Páll Gústavsson markvörður sem var valinn sem maður leiksins enda átti hann stórleik í markinu og varði nokkur vítaköst.
Það er ekki langt fyrir Alfreð að ferðast á leiki með íslenska landsliðinu þar sem hann er búsettur í Augsburg, sem er rétt rúmlega 70 kílómetrum frá München þar sem íslenski riðillinn fer fram.
Athugasemdir