Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
   mán 14. janúar 2019 09:18
Arnar Helgi Magnússon
Liverpool hefur áhuga á kantmanni Celtic
Powerade
Fer Wilson?
Fer Wilson?
Mynd: Getty Images
Til Barcelona?
Til Barcelona?
Mynd: Getty Images
Þá er komið að daglega slúðurpakka bresku dagblaðanna. BBC tekur saman. Njótið!


Bournemouth er tilbúið að selja Callum Wilson til Chelsea á 75 milljónir punda en það er tuttugu og fimm sinnum hærri upphæð en félagið keypti leikmanninn á árið 2014. (Star)

Wolves ætlar að keppa við Chelsea um Callum Wilson en enski framherjinn er búinn að skora tíu mörk á leiktíðinni. (Birmingham Mail)

Chelsea vill fá Nathan Ake aftur í sínar raðir frá Bournemouth en einungis tvö ár eru síðan að félagið seldi Hollendinginn til Bournemouth. (Sun)

Nýr leikvangur Tottenham verður ekki tilbúinn fyrr en á næsta tímabili. (Mail)

Spænski framherjinn í liði Tottenham, Fernando Llorente er á óskalista Barcelona. (Mundo Deportivo)

Pep Guardiola segir að Manchester City ætli ekki að mæta kröfum Wolves um kaupverð á Ruben Neves en félagið vill fá hundrað milljónir punda fyrir leikmanninn. (Mirror)

Abdoulaye Doucoure, leikmaður Watford hefur sagt frönskum fjölmiðlum frá því að hann sé á leiðinni burt frá félaginu. (Canal Football)

Ryan Babel, fyrrum leikmaður Liverpool er mjög nálægt því að ganga í raðir Fulham á láni út tímabilið. Hann er í eigum Besiktas. (De Telegraaf)

Liverpool fylgist nú með James Forrest, 27 ára gömlum kantmanni sem er á mála hjá Celtic. (Scottish Sun)

Lille hefur blandað sér í baráttuna við Fiorentina um Pedro Obiang, leikmann West Ham. (RMC Sport)

Bournemouth ætlar að bjóða hinum unga David Brooks nýjan samning áður en að Manchester United og Tottenham sýna leikmanninum frekari áhuga. (Sun)

Fulham, Huddersfield og Leeds eru á meðal þeirra liða sem eru sögð áhugasöm um að fá bandaríska framherjann Gyasi Zardes í sínar raðir. Hann leikur með Columbus Crew í heimalandinu. (Teamtalk)

Leeds skoðar einnig þann möguleika að fá Fraser Forster, markvörð Southampton í sínar raðir. (Star)

Andy Cole, fyrrum framherji Manchester United er að hefja störf hjá Macclesfield en hann mun þar þjálfa sóknarmenn liðsins. (Mail)
Athugasemdir
banner
banner
banner
banner