Sigurður Egill Lárusson, leikmaður Vals, gekkst undir aðgerð í nóvember vegna hælbeins sem að hafði stækkað síðustu árin.
Endurhæfingin er hafin og búist er við að hann geti hafið æfingar með Val eftir mánuð.
Endurhæfingin er hafin og búist er við að hann geti hafið æfingar með Val eftir mánuð.
„Endurhæfingin gengur bara mjög vel. Ég fór í aðgerð fyrir sex vikum. Ég komst ekki lengur í skó og því þurfti að saga af beini í hælnum," sagði Sigurður í samtali við mbl.is
„Ég var að velta því fyrir mér að fara í aðgerð fyrir síðasta Íslandsmót vegna þess að þetta hefur háð mér í eitt og hálft ár. Beinið hélt áfram að stækka og verkurinn jókst. Ég ákvað hins vegar að bíða með aðgerðina þar til eftir Íslandsmótið."
Sigurður Egill kom við sögu í átján leikjum Vals í Pepsi deildinin á síðasta tímabili og gerði í þeim þrjú mörk.
Hann má eflaust eiga von á enn harðari samkeppni um sæti í liðinu næsta sumar þar sem að Valur hefur verið að bæta við sig gífurlega sterkum leikmönnum síðustu vikur.
Athugasemdir
