Arteta: Vantaði gæði í sóknarleikinn

Það var lítið að frétta á Emirates leikvanginum og geta lærisveinar Mikel Arteta talið sig heppna að hafa sloppið með stig eftir erfiðan fyrri hálfleik.

Arteta var jákvæður að leikslokum en viðurkenndi að hans menn hafi ekki átt skilið sigur í kvöld.

„Við sköpuðum mikið af góðum sóknarstöðum en það vantaði gæðin á síðasta þriðjungnum. Við gerðum ekki nóg til að vinna þennan leik," sagði Arteta.

„Við erum að spila marga leiki og það er augljóst að leikmenn eru þreyttir. Það hafði mikil áhrif á gæðin í leiknum."

Kieran Tierney var utan hóps og staðfestir Arteta að hann sé að glíma við meiðsli. Ekki er ljóst hversu alvarleg þau eru.

„Roy Hodgson er reynslubolti og hefur spilað marga svona leiki á ferlinum. Við vorum með gott plan en það vantaði gæðin til að framkvæma það."