Championship: Watford sýndi lífsmark - Jafnt hjá Guðlaugi Victori

Cardiff tók á móti Watford og skildu liðin með 1-1 jafntefli en þetta er fyrsta stig Watford síðan um jólin. Liðið tapaði þremur leikjum í röð eftir annan í jólum en er núna búið að sýna lífsmark með þessu jafntefli. Cardiff var sterkari aðilinn og leiddi 1-0 allt þar til á 87. mínútu þegar Vakoun Bayo gerði jöfnunarmark.

Watford byrjaði tímabilið vel en er núna tveimur stigum frá umspilssæti eftir slakt gengi. Cardiff er hins vegar í fallbaráttu og var þetta þriðja jafntefli liðsins í röð. Velska félagið er einu stigi fyrir ofan fallsæti, með 24 stig eftir 26 umferðir.

Plymouth lenti þá undir á heimavelli gegn Oxford United en tókst að jafna í síðari hálfleik og urðu lokatölur þar 1-1.

Plymouth er áfram á botni Championship, þremur stigum frá öruggu sæti í deildinni með 21 stig úr 26 umferðum. Oxford er með 29 stig.

Guðlaugur Victor Pálsson var í byrjunarliði Plymouth og átti góðan leik í hjarta varnarinnar.

Cardiff City 1 - 1 Watford
1-0 Cian Ashford ('65 )
1-1 Vakoun Issouf Bayo ('87 )

Plymouth 1 - 1 Oxford United
0-1 Will Vaulks ('44 )
1-1 Rami Al Hajj ('63 )