Útvarpsþátturinn var meðal annars sendur út frá Möðrudal í fyrra!
Útvarpsþátturinn Fótbolti.net hefur verið samfleytt á X977 í níu ár.
Elvar Geir Magnússon og Tómas Þór Þórðarson hafa stýrt þættinum í þessari mynd frá því í febrúar 2009 og halda upp á níu ára X-afmæli í dag.
Elvar Geir Magnússon og Tómas Þór Þórðarson hafa stýrt þættinum í þessari mynd frá því í febrúar 2009 og halda upp á níu ára X-afmæli í dag.
Þátturinn er einn langlífasti sérþáttur í sögu íslensks útvarps en hann fór fyrst í loftið 2005 og er því í raun þrettán ára.
Í þættinum hafa skapast líflegar umræður, bæði alvarlegar og á léttu nótunum. Fjallað er um fótbolta á fjölbreyttan hátt og fjölmargir gestir hafa komið við sögu, þar á meðal flestir af strákunum okkar í landsliðinu og fræg nöfn á heimsvísu.
Þátturinn hefur þróast með breyttu fjölmiðlalandslagi og í dag er stór hópur sem hlustar á efni hans í gegnum Fótbolta.net, Vísi eða Podcast forrit.
Hér má finna upptökur úr þættinum
Flaggskip @xid977 er níu ára í dag. Við @elvargeir erum búnir að rífa okkur upp fyrir hádegi á hverjum laugardegi síðan á Valentínus árið 2009 til að tala við fólkið í landinu um fótbolta. Við óskum okkur til hamingju með daginn og ykkur til hamingju með laugardagana með okkur.
— Tómas Þór Þórðarson (@tomthordarson) February 14, 2018
Saga útvarpsþáttarins
Útvarpsþátturinn Fótbolti.net fór fyrst í loftið 2005 á Reykjavík FM. Þáttastjórnendur voru Elvar Geir Magnússon og Gunnar Jarl Jónsson.
Þátturinn varð daglega sumarið 2007 á Reykjavík FM. Þáttastjórnendur voru Gunnar Jarl Jónsson, Sigurbjörn Hreiðarsson og Doddi litli.
Veturinn 2007 fluttist þátturinn aftur yfir á laugardaga. Þáttastjórnendur voru Gunnar Jarl Jónsson, Elvar Geir Magnússon og Tómas Þór Þórðarson.
Í febrúar 2009 var þátturinn svo endurvakinn sem laugardagsþáttur á X-inu. Í dag stýra Elvar Geir og Tómas Þór þættinum.
Athugasemdir
