Freyr Alexandersson aðstoðarlandsliðsþjálfari Íslands er búinn að leikgreina lið Andorra vel fyrir fyrsta leik Íslands í undankeppni Evrópumótsins 2020.
Ísland mætir Andorra ytra á föstudaginn eftir viku. Hann segist skilja það að þekki ekkert landslið Andorra og það komi honum lítið á óvart að fólk haldi að Ísland sé að fara í auðveldan leik.
Ísland mætir Andorra ytra á föstudaginn eftir viku. Hann segist skilja það að þekki ekkert landslið Andorra og það komi honum lítið á óvart að fólk haldi að Ísland sé að fara í auðveldan leik.
„Þeir eru ekki með marga leikmenn sem spila á hæsta leveli. Þeir eru með gott lið, þekkja sín takmörk og vita fyrir hvað þeir standa og spila ákveðna týpu af fótbolta sem við þurfum að undirbúa okkur undir það," sagði Freyr.
„Það segir sig sjálft að þetta verður erfitt þegar það sér úrslitin. Ég skil það alveg að fólk sem kynnir sér ekki Andorra og þekkir þá ekki, gefi sér það að þetta verði göngutúr í garðinum en svo verður ekki."
Andorra eru sérstaklega hættulegir á heimavelli og sést það vel á úrslitum þeirra að þeir ná töluvert betri árangri á heimavelli heldur en á útivelli.
„Í síðustu sex heimaleikjum sínum hafa þeir aðeins tapað einum og það var gegn Portúgal 2-0. Þetta eru alltaf jafnir leikir og þetta verður bardagi fram að síðustu mínútu. Samt sem áður þá förum við þangað til að vinna og ætlumst til að við eigum að vinna og við höfum gæðin í liðinu til að gera það. Við þurfum hinsvegar að mæta og undirbúa okkur vel og bera virðingu fyrir andstæðingunum."
Viðtalið við Frey má sjá í heild sinni hér að ofan.
Athugasemdir