fim 14. mars 2019 13:39
Elvar Geir Magnússon
Hamren: Alfreð spilar vonandi á laugardaginn
Icelandair
Mynd: Fótbolti.net - Hafliði Breiðfjörð
Sóknarmaðurinn Alfreð Finnbogason er í landsliðshópnum fyrir komandi leiki gegn Andorra og Frakklandi í undankeppni EM.

Alfreð hefur verið fjarri góðu gamni í síðustu leikjum Augsburg en vonast er til þess að hann geti spilað með liði sínu gegn Hannover um helgina.

„Þetta lítur bara nokkuð vel út með Alfreð. Hann hefur æft vel og mun vonandi spila með liði sínu á laugardaginn. Ég bið fyrir því að allt verði í lagi með hann," segir Erik Hamren, landsliðsþjálfari Íslands.

Ísland mætir Andorra 22. mars og Frakklandi 25. mars, báðir leikirnir á útivöllum.

Jón Daði Böðvarsson, sóknarmaður Reading, er á meiðslalistanum og verður ekki með í komandi verkefni.


Athugasemdir
banner
banner
banner