Gennaro Gattuso, stjóri AC Milan, var óhræddur við að lenta í átökum þegar hann var leikmaður en núna er hann knattspyrnustjóri og viðhorf hans hefur breyst. Hann er líka orðinn nokkrum árum eldri.

„Ég meiddi mig þegar ég hljóp til að stöðva þetta," sagði Gattuso léttur eftir leikinn. „Það sem er mikilvægast er að þetta endaði þarna."

„Þegar ég var leikmaður þá æstist ég upp við svona, en núna sé ég þetta með öðruvísi augum. Ég er of gamall fyrir svona."

„Líka, ef ég fer eitthvað að slást þá lendi ég örugglega í vandræðum. Leikmennirnir hafa verið meira í ræktinni en ég."