sun 14. apríl 2019 23:30
Guðmundur Aðalsteinn Ásgeirsson
Geggjuð tilþrif Karólínu með U19 vekja heimsathygli
Mynd: Fótbolti.net - Bára Dröfn Kristinsdóttir
Mögnuð tilþrif Karólínu Leu Vilhjálmsdóttur með U19 landsliði kvenna í leik gegn Rússlandi á dögunum hafa vakið heimsathygli.

Karólína, sem spilar með Breiðabliki, fór illa með varnarmenn Rússlands áður en hún lagði upp jöfnunarmark fyrir Stefaníu Ragnarsdóttur í 2-2 jafntefli.

Tilþrif hennar rötuðu inn á Instagram-reikning Bleacher Report sem er vinsæll íþróttamiðill. Instagram-reikingur Bleacher Report er með 2,6 milljónir fylgjenda.

Rúmlega 240 þúsund manns hafa horft á myndbandið þar sem tilþrif Karólínu eru sýnd.

Leikurinn gegn Rússlandi var í milliriðli í undankeppni EM. Ísland lenti að lokum í öðru sæti riðilsins og komst því miður ekki á EM.

Hér að neðan má sjá myndbandið sem hefur fengið mikla athygli.


Athugasemdir
banner
banner
banner
banner
banner