Það vantaði ekki Íslendingana í fyrstu umferð efstu deildar sænska kvennaboltans og komust tveir þeirra á blað.
Svava Rós Guðmundsdóttir og Þórdís Hrönn Sigfúsdóttir skoruðu báðar í stórsigri Kristianstad gegn Bunkeflo og var Sif Atladóttir einnig í byrjunarliðinu.
Þórdís Hrönn byrjaði á bekknum en Elísabet Gunnarsdóttir skipti henni inn í hálfleik. Þá kom Andrea Thorisson inn í lið Bunkeflo í síðari hálfleik en tókst ekki að skora.
Glódís Perla Viggósdóttir lék allan leikinn í 0-1 sigri Rosengård sem er með sterkari liðum deildarinnar. Glódís var lykilmaður í liðinu í fyrra og endaði í þriðja sæti deildarinnar.
Þá voru Guðrún Arnardóttir og Ingibjörg Sigurðardóttir í byrjunarliði Djurgården sem tapaði gegn sterku liði Piteå. Guðbjörg Gunnarsdóttir var varamarkvörður liðsins í dag.
Eskilstuna 0 - 1 Rosengård
0-1 N. Bjorn ('90)
Kristianstad 5 - 1 Bunkeflo
1-0 Svava Rós Guðmundsdóttir ('5)
2-0 A. Edgren ('10)
3-0 A. Welin ('50)
4-0 Þórdís Hrönn Sigfúsdóttir ('63)
5-0 T. Ivarsson ('79)
5-1 E. Nilsson ('84)
Piteå 1 - 0 Djurgården
1-0 N. Jakobsson ('50)
Athugasemdir
