„Þetta er erfiður völlur á móti góðu liði svo það er frábært að koma hingað og taka þrjú stig," sagði Jón Þórir Sveinsson þjálfari Fram eftir 0 -2 sigur á ÍBV í Lengjudeild karla í kvöld en leikið var í Vestmannaeyjum.
Lestu um leikinn: ÍBV 0 - 2 Fram
Fram fékk vítaspyrnu snemma leiks, á 17. mínútu, auk þess sem Sigurður Arnar Magnússon fékk að líta rauða spjaldið.
„Mér fannst þetta vera vítaspyrna og fannst hann toga í hann en með rauða spjaldið, ég veit það ekki. Ég er ekki dómari og allavega mjög lélegur þegar ég er að reyna að dæma. Ég þekki ekki hvort þetta ætti að vera rautt en mér fannst þetta vera víti."
Það var mikill hiti í leiknum í kvöld og tæklingarnar flugu um allan völl. Tíu gul spjöld fóru á loft og eitt rautt.
„Það var æsingur, mér fannst eyjamennirnir vera hátt uppi og hleyptu þessu svolítið upp. Það var tuðað yfir öllu og mikið argað og gargað. Leikurinn fór svolítið út í það því miður."
Nánar er rætt við Jón í sjónvarpinu að ofan, hann hrósaði aðstæðum á vellinum og var ánægður með sína menn.
Athugasemdir