Arsenal á erfiðasta verkefnið framundan

Arsenal missteig sig ansi illa í gær gegn einmitt Tottenham í Meistaradeildarbaráttunni og tapaði 3-0 á útivelli.

Tottenham er nú aðeins einu stigi á eftir Arsenal sem er í fjórða sæti deildarinnar og þá fimm stigum á eftir Chelsea.

Chelsea getur tryggt sér Meistaradeildarsæti með sigri á Leicester í næsta deildarleik sínum sem fer fram þann 19. maí.

Chelsea mætir svo Watford á heimavelli í kjölfarið og er óhætt að búast við sigri þar en Watford er fallið.

Arsenal á mun erfiðara verkefni næst gegn Newcastle á útivelli en Newcastle hefur spilað virkilega vel undanfarnar vikur.

Svo tekur við verkefni gegn Everton en möguleiki er á að sá leikur verði mikilvægur fyrir þá bláklæddu í fallbaráttunni.

Tottenham spilar einnig við fallbaráttulið í Burnley á sunnudaginn á heimavelli og heimsækir svo fallið lið Norwich í lokaumferðinni.

Lokaleikir Chelsea:
Chelsea - Leicester City
Chelsea - Watford

Lokaleikir Arsenal:
Newcastle - Arsenal
Arsenal - Everton

Lokaleikir Tottenham:
Tottenham - Burnley
Norwich - Tottenham