banner
   lau 14. maí 2022 12:27
Guðmundur Aðalsteinn Ásgeirsson
Leikmenn Man Utd í „sjokki" eftir slagsmál á æfingu
Leikmennirnir eru ekki nefndir á nafn.
Leikmennirnir eru ekki nefndir á nafn.
Mynd: EPA
Tímabilið hefur verið skelfilegt hjá Manchester United og það er rétt hægt að ímynda sér hvernig andrúmsloftið er innan leikmannahópsins.

Núna segir The Sun frá því að það hafi verið læti á æfingasvæði félagsins í vikunni.

Götublaðið fjallar um það að tveir leikmenn liðsins hafi lent í slagsmálum á æfingu. Leikmennirnir tveir eru ekki nefndir á nafn í fréttinni en sagt er að það hafi þurft að aðskilja þá.

Æfingin var stoppuð við þetta og leikmennirnir sendir inn í búningsklefa.

Sagt er að aðrir leikmenn hafi verið í „sjokki" við að sjá það sem átti sér stað þarna.

Hollendingurinn Erik ten Hag mun taka við stjórn Man Utd í sumar og hann hefur svo sannarlega verk að vinna.
Athugasemdir
banner
banner
banner
banner
banner