„Þetta er búið að vera mjög flott hingað til. Það er frábært veður og aðstæður mjög góðar. Hópurinn er hress og við hlökkum til við að takast á við Argentínu," sagði Ólafur Ingi Skúlason, miðjumaður íslenska landsliðsins, fyrir æfingu í dag.
Ísland ræðst ekki á garðinn þar sem hann er lægstur á laugardaginn þegar liðið mætir Argentínu í fyrsta leik á HM. Argentína er í 5. sæti á heimslista FIFA í augnablikinu.
„Möguleikar okkar eru eins og í flestum stærri leikjum. Við þurfum að verjast vel og mikið og ennþá betur en við höfum nokkurn tímann gert. Þetta lið er sérstaklega sterkt fram á við."
„Möguleikar okkar eru í skyndisóknum og í föstum leikatriðum þar sem við erum gríðarlega sterkir."
„Þetta verða sömu styrkleikar og undanfarin ár gegn stærri liðum. Við þurfum að nýta það og eiga toppleik til að ná einhverju út úr þessu."
Hér að ofan má sjá viðtalið í heild sinni.
Sjá einnig:
Ólafur Ingi: Hélt að myndirnar færu ofan í skúffu
Athugasemdir