Jósef Kristinn Jósefsson leikmaður Stjörnunnar var sár og svekktur eftir 2-2 jafntefli liðsins gegn FH í Hafnarfirðinum í kvöld.
Stjarnan komst í 2-0 um miðbik seinni hálfleiks en í kjölfarið komu tvö mörk FH úr hornspyrnu á innan við tveimur mínútum.
Stjarnan komst í 2-0 um miðbik seinni hálfleiks en í kjölfarið komu tvö mörk FH úr hornspyrnu á innan við tveimur mínútum.
Lestu um leikinn: FH 2 - 2 Stjarnan
„Við vorum komnir í góða stöðu en við verðum eiginlega að kenna sjálfum okkur um þetta. Við erum komnir 2-0 yfir og vorum að spila góða vörn fannst mér en síðan köstum við þessu frá okkur á tveimur mínútum. Það er alveg glórulaust. Við eigum ekki að gera þetta.
Stjarnan vildi fá vítaspyrnu í uppbótartíma þegar fyrirgjöf Jósefs endaði í hendinni á Pétri Viðarssyni varnarmanni FH.
Ívar Orri lét leikinn hinsvegar halda áfram og dæmdi ekkert.
„Auðvitað er maður pirraður í mómentinu og þetta fer í hendina á honum. Hvort sem hún var upp við líkamann eða ekki þá fór boltinn allavegana í hendina á honum. Boltinn hefði farið beint fyrir á Gumma eða Baldur. Ég veit ekki hvernig þessar helvítis reglur eru," sagði Jósef Kristinn.
Viðtalið má sjá í heild sinni hér fyrir ofan.
Athugasemdir