Páll Viðar Gíslason þjálfari Magna var að vonum svekktur eftir 0-1 tap gegn ÍR í botnslag Inkasso deildar karla í dag, sigurmark ÍR kom undir lok leiksins en Magni missti mann af velli með rautt spjald í seinni hálfleik.
Lestu um leikinn: Magni 0 - 1 ÍR
„Að sjálfsögðu er maður fúll ég hefði nú viljað fá eitthvað út úr þessu í dag eins og aðrir Magnamenn en við fengum það ekki," sagði Páll Viðar.
Magnamenn fengu fín færi í dag en þeim tókst ekki að koma boltanum í netið.
„Á meðan við erum ekki að skora meira þá eru minni líkur á því að við séum að vinna og að sama skapi þegar við fáum á okkur hálf klaufalegt víti þegar mér fannst leikurinn vera snúast þannig lagað okkur í hag og við líklegri til að stela þessum þremur stigum en svona er þetta bara, þetta er „hardcore"."
Magni situr áfram á botni Inkasso-deildarinnar með sex stig, fjórum stigum minna en ÍR sem er nú með 10 stig.
Viðtalið við Pál má sjá í heild sinni hér að ofan.
Athugasemdir