Leeds færist nær úrvalsdeildinni - Bielsa rólegur

Leeds fær Barnsley í heimsókn á fimmtudaginn og liðið gæti nánast tryggt sætið í úrvalsdeildinni með sigri þar.

Ef Brentford misstígur sig gegn Preston á morgun þá mun Leeds tryggja sig upp með sigri á fimmtudaginn.

„Við reynum að vinna alla leiki. Við erum ekki að hugsa um afleiðingarnar ef við vinnum," sagði Marcelo Bielsa, stjóri Leeds, fyrir leikinn.

Leeds vann dramatískan útisigur gegn Swansea um helgina en þar skoraði Pablo Hernandez sigurmarkið í viðbótartíma.