Fjolla Shala, leikmaður Breiðabliks, sneri aftur eftir langa fjarveru þegar liðið sigraði SFK 2000 Sarajevo 3-1 í Meistaradeildinni í gær.
Fjolla hefur verið frá keppni síðan í byrjun maí vegna meiðsla en hún náði einungis tveimur fyrstu leikjum sumarsins í Pepsi Max-deildinni áður en hún meiddist.
Breiðablik tryggði sér farseðilinn í 32-liða úrslit Meistaradeildarinnar með sigrinum í gær.
Framundan er barátta við Val um Íslandsmeistaratitilinn en tvö stig skilja liðin að þegar fimm umferðir eru eftir.
Breiðablik og Valur mætast í næstsíðustu umferð deildarinnar á Kópavogsvelli.
Athugasemdir