Shaw fékk höfuðhögg með Englandi í landsleikjahlénu og sagði Jose Mourinho fyrr í dag að hann væri nógu heill til að spila gegn Watford. Hann tók þó fram að bakvörðurinn hefði ekki æft mikið með liðinu í vikunni, hann hafi mestmegnis verið einn að æfa.

Shaw, sem var borinn af velli með súrefnisgrímu og hálsbelti, sneri aftur til æfinga strax á mánudag við mikla gleði stuðningsmanna.

Matteo Darmian er í hópnum gegn Watford en búist er við að Ashley Young fái tækifæri í byrjunarliðinu.