„Þetta er draumur, ég veit ekki alveg hvað ég á að segja," sagði Guðmundur Andri Tryggvason, leikmaður Víkinga, eftir sigurinn á FH í bikarúrslitunum í dag.
Lestu um leikinn: Víkingur R. 1 - 0 FH
Guðmundur er í láni hjá Víkingum frá Start í Noregi.
„Ég kem heim á láni, kem í eitthvað geggjað lið og við vinnum bikarinn. Mér líður eins og ég sé að dreyma þetta."
„Mér fannst við vera mikið betri ef ég á að segja eins og er. Í fyrri hálfleik vorum við með yfirburði og vorum óheppnir að skora ekki. Við skoruðum í seinni hálfleik og unnum leikinn verðskuldað."
Pétur Viðarsson, leikmaður FH, fékk rauða spjaldið þegar hann steig ofan á Guðmund.
„Hann er búinn að vinna boltann, ég kem fyrir aftan hann og fæ fótinn hans í bringuna á mér. Ég veit það ekki. Hann dæmir rautt og þannig verður þetta bara að vera."
Viðtalið er hér að ofan í heild sinni.
