De Ligt er orðaður við mörg stórlið þessa dagana.
Marc Overmars, íþróttastjóri Ajax segir að það komi ekki til greina að selja Matthijs de Ligt í janúar en getur ekki lofað því að hann verði áfram hjá félaginu eftir tímabilið.
Hinn 19 ára gamli De Ligt hefur verið orðaður við Barcelona, Roma og Manchester City í næsta félagskiptaglugga. Þrátt fyrir áhuga stórliðanna hefur Overmars staðfest að leikmaðurinn fari ekkert í janúar en sagði að hann gæti verið seldur næsta sumar.
„Líkurnar á því að De Ligt yfirgefi Ajax í janúar eru núll prósent. Já ég get staðfest að næsta sumar er möguleiki,” sagði Overmars.
De Ligt skrifaði undir fjögurra ára samning á síðasta ári sem nær til ársins 2021.
Athugasemdir
