Pep Guardiola, stjóri Manchester City, er ekki viss um hvort félagið sé tilbúið að vinna Meistaradeildina.
City hefur aldrei komist lengra en í undanúrslitin og á þessu tímabili tapaði liðið sínum fyrsta leik, á heimavelli gegn Lyon. Síðan þá hefur liðið unnið Hoffenheim á útivelli.
Guardiola vann Meistaradeildina tvisvar sem stjóri Barcelona en hann kveðst ekki viss um hvort þetta City-lið sé tilbúið í það að vinna keppnina.
„Að við séum á meðal líklegustu liða þýðir að við séum góðir, mjög góðir. En þetta félag hefur aldrei komist lengra en í undanúrslit og ég veit ekki hvort við séum tilbúnir, ef ég á að vera hreinskilinn," sagði Guardiola á ráðstefnu á Ítalíu.
Undir stjórn Guardiola féll City úr leik í 16-liða úrslitum gegn Mónakó tímabilið 2016/17 og á síðustu leiktíð í 8-liða úrslitum, gegn Liverpool.
Have spent a wonderful day in Trento today speaking about our favorite topic and number one passion... in the company of 2 good friends and great coaches. #IlFestivaldelloSport pic.twitter.com/ZFEdimnWfa
— Carlo Ancelotti (@MrAncelotti) October 14, 2018
Athugasemdir