Hamren á fundinum í dag.
Íslenska landsliðið flaug heim til Íslands beint eftir leikinn við Frakkland á fimmtudagskvöldið en Icelandair bauð upp á leiguflug svo liðið væri komið til Íslands sem fyrst eftir leik.
„Við nutum þeirrar gæfu að fá leiguflug heim eftir leikinn svo við áttum góðan föstudag á Íslandi," sagði Erik Hamren landsliðsþjálfari Íslands á fréttamannafundi í höfuðsstöðvum KSÍ í dag.
„Við náðum því að safna kröftum okkar aftur og ræða leikinn saman. Þetta var góð frammistaða svo ég hlakka til leiksins á morgun," hélt hann áfram en Ísland mætir Sviss í Þjóðadeildinni klukkan 18:45 á morgun.
„Það verður gaman að sjá hvort við getum gefið þeim betri leik en síðast þegar við mættumst því það var ekki góður leikur að okkar hálfu," sagði Hamren.
Athugasemdir
