Lloris (31) var gripinn ölvaður undir stýri aðfaranótt föstudagsins 24. ágúst, hann var með yfir tvöfalt leyfilegt magn áfengis í blóði sínu þegar hann var gripinn.

Segja má með sanni að hann hafi verið blindfullur. Lloris var að keyra Porsche Panamera bifreið sína þegar lögreglumenn stöðvuðu hann. Lloris hafði kastað upp í bílnum og lögreglumenn þurftu að styðja við hann til að koma honum út úr bílnum.

Lloris hefur tjáð sig um málið í frönskum fjölmiðlum. Hann segir að þetta breyti sér ekki sem manneskju.

„Þetta er vandræðalegt. Þetta er ekki sú mynd sem ég vil að fólk máli af mér, en mistök gerast," sagði Lloris viðLe Journal du Dimanche í Frakklandi.

„Þetta breytir mér ekki sem manneskju eða atvinnumanni."

Sjá einnig:
Myndband: Prófaði að drekka eins mikið og Lloris

Mögnuð markvarsla gegn Íslandi
Hugo Lloris hélt fyrirliðabandinu hjá bæði Tottenham og franska landsliðinu þrátt fyrir þessa hegðun sína. Lloris spilaði með Heimsmeisturum Frakklands gegn Íslandi í síðustu viku og þar varði hann ótrúlega í fyrri hálfleik.

„Raggi með skalla eftir horn sem Lloris ver frábærlega! Birkir Bjarnason fær svo frákastið en hittir ekki boltann. Mikill darraðadans í teignum sem endar með því að aðstoðardómarinn flaggar rangstöðu!" sagði Elvar Geir Magnússon í beinni textalýsingu á Fótbolta.net.

Myndband má sjá hér að neðan.

Hugo Lloris pulling off a fantastic triple save for France against Iceland tonight! 🔥 🇫🇷 #FRAISL pic.twitter.com/hhOjtFdPTI

— Lilywhite Spurs (@Lilywhite_Spurs) October 11, 2018