Wayne Rooney hefur verið sjóðandi heitur með DC United undanfarna daga og vikur. Liðið hefur verið á hraðri uppleið og í nótt komst liðið í fyrsta skipti í umspilssæti í MLS deildinni. Sex efstu liðin í deildinni fara í umspil um MLS-titlinn.
Það var ekki fyrr en á 86. mínútu leiksins að sigurmark DC United kom. Rooney tók þá aukaspyrnu sem rataði beint á kollinn á Russell Canouse sem skallaði boltann í netið.
Rooney fékk nokkur tækifæri í leiknum til þess að skora en hann hafði orð á því eftir leik að hann hefði getað spilað í allt kvöld án þess að skora. Ekki hans dagur.
Þrír leikir eru eftir af deildarkeppninni áður en að umspilið hefst. DC eru með stigi meira en Montreal Impact sem situr í 7. sæti deildarinnar og eiga einnig leik til góða.
Alexa, play "Started From the Bottom."#DCU | #DCvFCD pic.twitter.com/FuzZwF37bI
— D.C. United (@dcunited) October 13, 2018
Athugasemdir